السلامــ عليكمــ ورحمة اللهــ وبركاتهــ
\
\
\
/
/
/
الشـيـبـه:
قلبي شباب ولازم اني اعرّس .. مابا العيوز اللي اتوسّد على الباب
الخير وايد وانا مب مفلّس .. عندي فلوسٍ تدعم البنك في الحساب
العـيــوز:
ما باقي غير خشمك وهالضرس .. تبغي تعرس وانت غادي شرات الغراب
قابل صلاتك الله يشفيك من المس .. والاّ ترى بدفن ويهك بالتراب
الشـيـبـه:
إنتي عيوز وأكلج الروب والخس .. اما انا ماكل غير تكه و كباب
ما فيني سكر غير ضغطي نازل بس .. دام الهوى فيني ترى كل شي طاب
العـيوز:
لا بارك الله فيك يا الشيبه يا النحس .. ما تييبك الرمسه ولا اييبك اعتاب
قصرلي صوتك مابا اسمع ولا حس .. عطني طلاقي وانقلع واقبض الباب
الشـيـبـه:
دومج نحيسه وهذا لسانج يبالهـ قص .. ربي ترى حلل لي اربع بالكتاب
هذا خميس الاعمى يا كم عرس؟ .. مرتاح في الدنيا بلآ هم واعصاب
العـــيوز:
بطران وراسك شرآت الصخر يابس وعص .. مالوم طبعك يوم ربعك هالكلاب
غادي شرات الأريل.. ودومك اتحيّس .. استح على ويهك.. أصلع ولعاب
الشـيـبـه:
فكيني من ويهج ترى مالي أي نفس .. زهقان من شوفتج وابغي لي أحباب
هذا طلاقج طالقه اربع وخمس .. شلّي طلاقج من ضميري بلا احساب
العــيوز:
مشكور يالشيبه ومن دون أي دس! .. عندي حبيب ما ابتعد لحظه وغاب
يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب
الشـيـبـه:
يالله قبل لا موت منك واغتص .. طلعتي لي قرنٍ وراسي بعد شاب
يا شينه البرقع ترى قدرج اختس .. عيوز ولج في الدنيا خلان واحباب؟؟
العـــيوز: مثلك تراني وهذا لك في العمر درس .. لاني أميز بين شيبه وشباب
والا نسيت اني على الموضه ألبس .. ما علموك اني بلا شيله وحجاب
وسوالـــمـ
اختكمــ ^^عالي مستواها^^
الرئيسية 
أحدث الصور 
الخميس أبريل 10, 2008 3:03 am
